ᕿᓂᐅᑉ
ᒥᑦᓵᓄᑦ
ᕿᓂᖅ ᐱᓐᖑᕐᑎᑕᐅᓚᐅᕐᓯᒪᔪᖅ 2004ᖑᑎᓪᓗᒍ ᐃᑭᐊᖅᑭᕕᒃᑯᑦ ᐱᑐᕝᕕᑦᑖᖁᓪᓗᒋᑦ ᓄᓇᓕᓕᒫᑦ 25ᓃᑦᑐ ᓄᓇᕗᒥ. ᐃᖅᑲᓇᐃᔭᖃᑎᒋᓚᐅᕐᓯᒪᔭᕗᑦ ᐊᑐᐃᓐᓇᖃᓕᕇᕐᑐᑦ ᐃᑭᐊᖅᑭᕕᓕᕆᔩᑦ ᐱᑐᕝᕕᓂᑦ (ᓄᓇᓂᐊᑦ, ᓴᒃᑯ ᐊᒻᒪ ᐴᓚᓂᐊᑦ) ᓄᑖᓪᓗ ᐱᔨᑦᓯᕐᑎᕈᕐᐸᓪᓕᐊᔪᑦ ᓄᓇᓕᓐᓂ ᐃᑲᔪᕐᑎᒋᔪᒪᒧᑦ ᐱᔨᑦᓯᕐᑎᒋᓗᒋᓪᓗ.
ᑕᐃᒪᓐᖓᑦ 20024ᒥᓂᑦ ᑮᓇᐅᔭᓂᑦ ᐊᑐᖅᓯᒪᓕᕐᑐᒍᑦ 200 ᒥᓕᔭᑦ ᐅᖓᑖᓂ ᓄᑖᓐᖑᕆᐊᕐᑕᐅᖁᓪᓗᒋᑦ ᐊᒻᒪ ᐃᓚᕙᓪᓕᐊᖁᓪᓗᒋᑦ ᐱᔨᑦᓯᕈᑎᕗᑦ ᓄᓇᕗᒥᐅᓕᒫᑦ ᐱᔨᑦᓯᕐᑕᐅᖁᓪᓗᒋᑦ.
ᓱᖕᒪᑦ ᕿᓂᖅ?
ᐅᐱᓐᓇᕋᓂ ᕿᓂᒃᑯᑦ ᐃᑉᐱᒍᓱᑦᑎᐊᕐᑐᑦ. ᖃᓄᖅᑑᖏᓐᓇᐅᔭᕐᑐᒍᑦ ᖃᓄᖅ ᐋᖅᑭᒋᐊᕆᔪᓐᓇᕐᒪᖔᑦᑕ ᐊᑭᓕᐅᑎᓯ ᐊᑐᑦᓯᐊᖁᓪᓗᒋᑦ ᐊᒻᒪ ᐱᐅᖅᓱᐊᕈᓐᓇᕐᓯᖁᓪᓗᑎᑦ ᐃᑭᐊᖅᑭᕕᒻᒧᑦ ᐱᑑᑎᓐᓂᑦ ᐊᒻᒪ ᓇᑦᓴᒐᑎᑦ ᐊᑐᕈᓐᓇᖁᓪᓗᒋᑦ.
ᐊᑑᑎᓕᒻᒪᕇᑦ ᓄᓇᓕᓐᓂ ᐱᔨᑦᓯᕐᑎᕗᑦ ᐊᑐᐃᓐᓇᐅᔪᑦ 25ᓂ ᓄᓇᓕᓕᒫᓂ.
ᐃᓱᒪᖅᓲᑏᑦ ᐊᑦᓱᖐᓚᐅᕐᓯᒪᔾᔮᖏᑦᑐᒍᑦ ᐊᖏᕈᑎᒃᑯᑦ ᑳᓐᑐᓛᒥᑦ ᐃᓕᓐᓄᑦ.
ᑭᓐᖒᒪᔭᕗᑦ ᐊᔾᔨᒌᖏᑦᑐᐃᓐᓇᐅᒻᒪᑕ ᐃᓕᓐᓄᑦ ᐊᑲᐅᓈᕐᓯᒪᔪᒥᑦ ᐸᕐᓇᓯᒪᔭᑦᑎᓐᓂᑦ ᓂᕈᐊᕈᓐᓇᕐᑐᑎᑦ.
ᑐᓴᐅᒪᖃᑦᑕᐅᑎᑦᓯᐊᕙᐃᑦ ᐊᑑᑎᓕᓪᓚᕆᐅᒻᒪᑕ ᑕᐃᒪᐃᒻᒪᓐ ᐋᖅᑭᒋᐊᖏᓐᓇᐅᔭᕐᑕᕗᑦ ᐱᔨᑦᓯᕈᑎᕗᑦ ᐊᒻᒪ ᐊᑭᓖᔪᓐᓇᕐᔫᒥᖁᓪᓗᓯ ᑕᒪᐃᑦᓯᐊᖅ.
ᓂᕆᐅᓇᓐᖏᑦᑐᓂᑦ ᓴᖅᑭᑳᓪᓚᑦᑐᖃᔾᔮᖏᑦᑐᖅᓂᐅᕕᕈᓐᓇᕐᑐᑎᑦ ᑭᓐᖒᒪᔭᓐᓂᑦ, ᐱᔪᒪᓕᑐᐊᕈᕕᑦ ᖃᖓᑐᐃᓐᓇᖅ!
ᖃᓄᐃᓕᐅᕐᓯᒪᒻᒪᖔᑦᑕ ᐅᓂᒃᑳᒐᓛᑦ
ᕿᓂᒃᑯᑦ ᐃᑭᐊᖅᑭᕕᒃᑯᑦ ᐱᑐᕝᕕᒃ ᐊᒥᓱᐊᓗᖕᓄᑦ ᐃᖅᑲᓇᐃᔮᖑᓯᒪᓪᓗᓂ ᐃᓄᓐᓄᑦ ᑲᑐᔾᔨᖃᑎᒌᓄᓪᓗ ᐊᕐᕌᒍᓂᑦ ᐊᒥᓱᐊᓗᖕᓂᑦ ᕿᓂᖅ ᐱᓐᖑᖅᑎᑕᐅᖁᓪᓗᒍ. ᕿᓂᖅ ᐃᓱᒪᒋᔭᐅᒋᐊᓐᖓᓚᐅᕐᑐᖅ ᐱᒋᐊᕐᑎᑕᐅᓪᓗᓂᓗ ᒪᕐᕉᓐᓄᑦ ᑲᑐᔾᔨᖃᑎᒌᓐᓄᑦ, ᓄᓇᕗᒥ ᖃᕆᓴᐅᔭᒃᑯᑦ ᐃᑭᐊᖅᑭᕕᓐᓂᑦ ᐱᕙᓪᓕᐊᑎᑦᓯᔩᑦ ᐊᒻᒪ SSI Canada.
ᐅᑭᐊᑦᓵᖓᓂ 2002, ᓴᓇᔨᕐᔪᐊᓕᕆᔩᑦ ᑲᓇᑕᒥ ᑐᓴᕐᑎᑦᓯᓚᐅᕐᓯᒪᔪᑦ ᐃᑭᐊᖅᑭᕕᒃᑯᑦ (NBDC) ᐱᑐᕝᕕᑖᕐᐸᓪᓕᐊᓂᐊᓕᕐᖓᑕ ᓄᓇᓖᑦ ᐅᖓᓯᒌᑦᑐᒥᐅᑦ ᐊᒻᒪ ᐅᑭᐅᖅᑕᖅᑐᒥ ᐱᕙᓪᓕᐊᔾᔪᑎᑦᓴᓄᑦ ᐃᑲᔫᑎᓂᑦ. ᑖᓐᓇ ᐊᐅᓚᔾᔭᐃᒋᐊᕈᑕᐅᓪᓗᓂ ᓄᓇᕗᒥ ᖃᕆᓴᐅᔭᒃᑯᑦ ᐃᑭᐊᖅᑭᕕᓐᓂᑦ ᐱᕙᓪᓕᐊᑎᑦᓯᔩᑦ (NBDC), ᑮᓇᐅᔭᓕᐅᕋᓱᑐᐃᓐᓇᕋᑎᖕ ᑎᒥᐅᔪᑦ ᕿᒥᕐᕈᔨᐅᓚᐅᕐᑐᑦ ᓄᓇᕗᒥ ᐃᑭᐊᖅᑭᕕᒃᑯᑦ ᐱᑐᕝᕕᑖᕆᐊᓕᓐᓂᑦ. ᐱᒋᐊᓚᐅᕐᑎᓐᓇᒋᑦ ᕿᓂᒃᑯᑦ, ᐊᒥᓱᑦ ᓄᓇᕗᒥᐅᑦ ᐃᑭᐊᖅᑭᕕᒻᒧᑦ ᐱᑐᕝᕕᖃᓚᐅᓐᖏᒻᒪᑕ ᐊᑐᐃᓐᓇᖅᑕᖃᓐᖏᒧᑦ, ᐱᑕᓕᐅᒐᓗᐊᓪᓗ ᓱᒃᑲᐃᑐᕐᔪᐊᖑᓪᓗᑎᑦ − ᐊᑭᑐᔪᒻᒪᕆᐅᓪᓗᑎᓪᓗ − ᐅᖄᓚᐅᑎᒃᑯᑦ ᐱᑐᒋᐊᖃᕐᑐᑎᑦ.
ᐊᑕᐅᓯᑯᓗᒻᒥᑦ ᐊᔾᔨᖑᐊᒥᑦ ᐊᐅᓪᓚᕐᑎᑦᓯᓇᓱᐊᕐᑐᓂ ᐃᑲᕐᕋᕋᓵᓗᓂᑦ ᐊᐅᓚᕋᓱᐊᖅᐸᑦᑐᑎᑦ ᐊᒻᒪ ᐱᔨᑦᓯᕈᑏᑦ ᑭᐱᑐᐃᓐᓇᐸᑦᑐᑎᑦ. ᕿᓂᒃᑯᑦ ᓄᓇᖃᕐᑐᓂᑦ ᓄᓇᓕᓐᓂᓪᓗ ᓄᓇᕗᒥᐅᓂᑦ ᑲᓱᖅᑎᑦᓯᓚᐅᕐᓯᒪᔪᑦ ᑐᓴᐅᒪᖃᑦᑕᐅᑎᓕᕐᑐᑎᑦ ᐃᑭᐊᖅᑭᕕᒃᑯᑦ ᐊᔾᔨᒌᖏᑦᑐᓄᑦ ᐊᑐᕈᓐᓇᕐᓯᓪᓗᑎᑦ ᓄᑖᓂᑦ ᐃᓕᓐᓂᐊᕈᑎᑦᓴᓂᑦ ᐊᒻᒪ ᐃᓕᖅᑯᓯᓕᕆᓂᖕᒧᑦ ᑐᕌᖓᔪᓂᑦ.
